वीरगञ्जस्थित गण्डक कोभिड अस्पतालमा आइतबार बिहान मृत्यु भएका एक वृद्धसहित पर्सामा थप १९ जनामा कोरोना संक्रमण पुष्टि भएको छ।
नारायणी अस्पतालको प्रयोगशालामा गरिएको परीक्षणका क्रममा वीरगञ्ज-१० आदर्शनगर पुरानो बसपार्कका मृतक ६५ वर्षीय वृद्धसहित १९ जनामा कोरोना संक्रमण पुष्टि भएको हो।
मृतकबाहेक १४ जना पुरुष र ४ जना महिलामा संक्रमण पुष्टि भएको जिल्ला स्वास्थ्य कार्यालय पर्साका निरीक्षक जयमोद ठाकुरले जानकारी दिए। ९ वर्षका बालकदेखि ४५ वर्ष उमेरका पुरुषसमेत संक्रमित पाइएका छन्। त्यस्तै, स्वास्थ्यकर्मीदेखि कारखानामा कार्यरत कर्मचारीमा समेत संक्रमण भेटिएको हो।
साउन ८ गते ज्यान गुमाएका ७० वर्षीय वृद्धको कन्ट्याक्ट ट्रेसिङमा परेका उनीहरूको सोही दिन पीसीआर परीक्षणका लागि स्वाब संकलन गरिएको थियो।
0 Comments