भक्तपुरमा २० सशस्त्र प्रहरीसहित ५० जनामा संक्रमण पुष्टि

भक्तपुर, ६ भदौ । भक्तपुरमा आज २० सशस्त्र प्रहरीसहित ५० जनामा कोरोना संक्रमण पुष्टि भएको छ ।

चाँगुनारायण नगरपालिका दुवाकोटस्थित गुहेश्वरी गणका २० जवान सशस्त्र प्रहरीमा कारोना संक्रमण देखिएको स्वास्थ्य कार्यालयका भक्तपुरका प्रमुख कृष्ण मिजारले जानकारी दिएका छन् । 

त्यस्तै मध्यपुर थिमीका १५ जना, भक्तपुर नगरपालिकामा ८ जना र सुर्यविनायक नगरपालिकामा ५ जनामा कोरोना संक्रमण पुष्टि भएको प्रमुख मिजारले जानकारी दिए । 

दुई जना भने पहिला कै संक्रमितहरूको दोस्रो पटक परीक्षण गर्दा पोजेटिभ आएको हो ।  उनका अनुसार आज देखिएका संक्रमितमा ११ महिला र ३९ पुरुष रहेका छन् ।