आमा

✍️ अभिनव बिष्ट

सहेर कष्ट आँशु पिएर

दुख र सुख साथै लिएर

हुर्कायौ हामीलाई ठूलो बनायौ

आफ्नो अमूल्य समय दिएर ।

लेक र बेसी घाँस र दाउरा

झरी र बादल केही नभनी 

आफू भोकै बसेर आमा

हाम्रो लागि भगवान बनी ।

पिलाई सन्तानलाई दूध दशधारा

देवी हुन् आमा सबको सहारा

सहन सक्ने धर्ती हुन् आमा

शीतलता दिने जून र तारा ।

प्रगति पथमा डोर्‍याउँदै लानी

ममतामयी मायाको खानी

प्रतिमूर्ति हुन् देवीकी आमा 

छातीमा रोपिएको भाला सहनी ।

दुष्मनसँग कहिल्यै नभागी

रक्षा सन्तानको गर्नका लागि

सिमानाको काँडेतार जस्तै

बस्छिन् आमा दिनरात जागी !